Երբ մենք խոսում ենք աշխարհի հնագույն և խոշորագույն գրադարանների մասին, հնարավոր չէ չանդրադառնալ Մեծ Բրիտանիայի Քեմբրիջի համալսարանի գրադարանին: Բանն այն է, որ Քեմբրիջի համալսարանի գրադարանը աշխարհում ամենահին ուսումնական հաստատություններից մեկն է, որը սկիզբ է առել 1209թ-ին: Այն բաղկացած է առանձին քոլեջներից: Այսօրվա դրությամբ Քեմբրիջի քոլեջների թիվը հասնում է 31-ի: Բնականաբար յուրաքանչյուր քոլեջ ունի իր գրադարանը:
Բայց ամենամեծ հետաքրքրություն է ներկայացնում Տրինիտիի քոլեջը: Այն հետաքրքիր է ոչ միայն իր հատորների հավաքածուներով այլ մեծ արժեք ունեցող գրքերի պահարաներով, պատրաստված Գրինլին Գիբոնի կողմից: Քեմբրիջի կենտրոնական գրադարանը ունի նաև ճարտարապետական արժեք:
Այն ստեղծվել է 1676-1686 թթ անգլիացի ճարտարապետ Քրիստափոր Ռեմիի ձեռքով: Քեմբրիջի ուսանողները կատակում են, որ Քեմբրիջի կենտրոնական գրադարանն այնքան մեծ է, որ մի անգամ մտնելով ՝ կարելի է հավերժ այնտեղ մնալ: Ինչպես ամեն կատակի, այնպես էլ այս մեկի մեջ իրականության մասնիկ կա:
Գրադարանի մասնաշենքը զբաղեցնում է մի ամբողջ թաղամաս, բայց պարզվեց, որ դա էլ քիչ է, այդ պատճառով տարվում են նոր մասնաշենքի կառուցման աշխատանքները: Քեմբրիջի համալսարանի գրքերի հավաքածուն անհաշվարկելի են: 1971թ գրադարանում հատորների թիվը հասնում էր 3 միլիոնի: Հետագայում այդ թիվն անխոս աճեց, որովհետև գրադարանի ֆոնդերն անընդհատ լրացվում են: Այնտեղ պահպանվում են ինչպես ժամանակակից հրատարկված նյութեր, այնպես էլ հին ձեռագրեր:
Քեմբրիջի արժեքավոր գրքերի շարքում է՝ Հուտենբերգի Աստվածաշունչը և Հոմերոսի պոեմների առաջին հրատարակությունը: Քեմբրիջում կա 4650 գիրք, որոնց տարիքը կես հազարամյակից ավել է:
Ներկայումս այստեղ տարվում են աշխատանքներ հին ձեռագրերի թվայնացման ուղղությամբ: Այս թանկարժեք նախագծի իրագործումը, որի համար պահանջվում է 480 հազար դոլար, նախատեսվում է կատարել հինգ տարում: Դե ինչ հնագույն տպագիր ձեռագրերի համար դա շատ կարճ ժամկետ է: